මාධ්‍යවේදියාගේ මරණය නිසා ට්‍රම්ප් සෞදියට කරන දේ

In මැද පෙරදිග

මාධ්‍යවේදී ජමාල් කශෝගිගේ ඝාතනය මුල්කරගනිමින් තමා සෞදියට එරෙහිව කිසිදු තීරණයක් ගැනීමට සූදානමක් නැතැයි අමරිකානු ජනාධිපති ඩොනල්ඩ් ට්‍රම්ප් පවසනවා. ඔහු මෙලෙස සදහන් කර ඇත්තේ සෞදි අරාබිය සමග ඇතිකරගෙන ඇති ඩොලර් බිලියන ගණනක ආයුධ ගිවිසුම් හේතුවෙන්. සෞදියේ සල්මාන් කුමරුගේ අනුදැනුම මත කශෝගි ඝාතනය වූ බවට කරුණු අනාවරණ වෙමින් පවතින බව අමරිකාවේ වොෂින්ටන් පෝස්ට් පුවත්පත වාර්තාකර තිබුණා. ඝාතනයට ලක්වූ මාධ්‍යවේදියා සෞදි ජාතිකයකු පමණක් නොව අමරිකන් පුරවැසියකු වන අතර ඔහු වොෂින්ටන් පෝස්්ට් පුවත් සේවයේ මාධ්‍යවේදියකු වනවා.

කශෝගි නිර්දය ලෙස සෞදියේ ඔටුන්න හිමි සල්මාන් කුමරු විවේචනය කර තිබුණා. කශෝගි පසුගිය දෙවනදා
අතුරුදන් වූයේ තුර්කියේ ස්තාන්බුල් නුවර සෞදි කොන්සාල් කාර්යාලයට ගොස් සිටියදීයි. මෙම සිද්ධිය මුල්කර ගනිමින් සෞදිය සමග අමනාප වීම තුලින් අමරිකාවට වාසියක් නොවන බව ට්‍රම්ප් ධවල මන්දිරයේදී මාධ්‍යවේදීන් හමුවේ සදහන් කර තිබුණා.

Leave a reply:

Your email address will not be published.

Mobile Sliding Menu